DSC01916.jpg


Ei nià mau ra FANATEA ra
Te vāhi tauraa varua e
E vāhi haruraa vārua i te pō
Paìna te miti i VEO ra e

TATAA o te tara i muri e
No òe AIMEHO nui ra e
No roto hoì òe TATAA iti e
Te ià o TAHITI nui ra e

E vāhi hahano, e vāhi moà ra
Ua hotaratara te manaò e
Maraamu toètoè te mataì nei e
Ua reva tei herehia ra e

Aue ra ia o TATAA iti e
Toù fenua iti TEFANA e
TATAA teie tārava noa mai
I te pae te tooà o te rā eaò faahou ia òe e

Haere mai ra TU-TA-HOROÀ
Paruru tei tapuhia na e
TAMARII FANATEA a tià mai i nià
Faaìte ta òe pehepehe e

Eiaha, eiaha roa ra
E haamoèhia ra
TATAA iti e, te toòà o te rā
Te vāhi rereraa varua e.

 

Bruno LEON, Tarava Tahiti, Heiva 1999.

Catégories : reo ma'ohi
TAFAÌ I TATAA (1)
Pourquoi et comment classer Tataa
Retour à l'accueil